金裝燉奶佬餐廳 (嘉湖新北江) (Closed)

今日早起身，同個同學黎左呢度食早餐。都好耐無黎過啦，唔知點解呢度d人仲發春秋夢，叫極都唔應人。落完單之後將本單飛落"木台"到。嚇死我啦，我接受唔到啦。野食既選擇都小左好多，無得加配粉麵或麥皮。雞扒炒蛋雞扒都唔差既，炸過既雞扒難食極都有個譜。脆口既雞皮實在治療到我既肚餓，雞扒既肉質都唔錯。好鮮嫩又唔鞋口。炒蛋就無乜特別啦，係比較鞋既同無乜蛋味。而牛油餐包就無乜特別，不過舊牛油就好香同好滑。凍奶茶好濃茶味，不過唔夠甜。都好既，太甜始終唔係太健康架。服務真係唔太好，落完單會飛單既。真係接受唔到，不過食物既選擇小左好多。希望可以改善一下啦。