入面逼到冇朋友，啲枱一張貼一張，行都行唔到。下午去時，得幾張枱坐咗人，但已經覺得好逼好嘈。夜晚如果多啲人，一定嘈到聽唔到人哋講咩野。
服務態度差過街邊茶記。個個全程黑面。手腳又慢，好似唔使做咁。同佢講張枱濕咗，佢應咗聲就算，完全唔會擦乾淨張枱。
仲有，個員工放低杯水嗰陣，成個手掌掂住個杯口，仲要旋轉一周。大佬，我仲點飲杯水啊！
講到野食，真係令人大開眼界。
我第一次見到有人用飲羅宋湯既西湯碗裝餐蛋麵/ 沙爹牛麵！ 啲麵塞到實一實，啲湯少到似濕撈公仔麵~ 湯底同沙爹淡而無味，牛肉俾啲粉攪到無晒質感，食咗都唔知自己食咗啲咩野。
杯凍飲仲驚嚇。凍檸水但係用普通大細既玻璃杯裝。支飲管突出黎嗰部分仲高過個杯。
無味道，無裝修，無服務！
