樂湯雞麵館 (登龍街) (Closed)

今日嚟到銅鑼灣呢排砂鍋雞湯店朝聖，聽就聽得多。係呢個酸辣當道的時代居然仲有餐廳堅持粵式風味。呢日星期六晚上嚟到，都幾爆。花膠雞湯翅米線招牌菜，雞湯飲落清甜，加錢要左雞髀同時菜。雞髀滑溜，啖啖肉，抵。尖椒皮蛋皮蛋份量幾多，夠辣！口水豬手撈刀削麵呢個口水汁不得了，夠香麻，豬手爽彈夠淋，必叫。魚皮呢個砂鍋用嚟碌魚皮一流，新鮮。杯裝豆漿豆味出，唔太甜。鋪頭坐位細細，不過侍應貼心，又提個煲好滾，又比籃擺袋。