鯛魚湯專門店 (Closed)

坊間用魚熬製嘅湯底餐廳唔係好多間，知道呢間仲要用了我最喜歡既海膽，一定要黎試！金鐘放工就和同事搭叮叮過去，好彩我地7點前去到有位，因為食到一半已經滿座！皇帝蟹腳海膽湯飯呢個湯飯用咗小火鍋既形式去煮，一邊滾著啲湯飯一邊食。因為真係好大碗，如果唔滾佢，我諗食到最尾啲湯會凍左就唔好食啦！所以咁既idea very good! 第一時間飲左啖湯，好濃郁，以為會有魚腥味。再食一啖海膽，暖暖地既口感好creamy，份量比想像中多！ 而蟹腳雖然幼，但肉質係新鮮既，食到海鮮既甜味！而飯中唔係普通白飯，係日本珍珠米，仲加左啲糙米，好健康！同事鍾意食牛，所以叫左蒜片牛粒魚湯烏冬。烏冬和牛係分開上既。同事仲追加左鮑魚和帶子各一隻。同事話：湯底好濃，食得出無味精，用左稻庭手打烏冬果然口感唔同啲，外軟內彈牙！牛粒切得好細，幾入味，蒜片都幾多！鮑魚肉質爽口又易咬，帶子肉飽滿，有鮮味！見隔離檯叫左吉列炸豬扒，賣相好吸引，所以我地都叫左！真係炸得好靚，因外層夠薄，所以食起上黎外脆內軟，又啖啖肉，好岩食肉獸既我地。伴碟既仲有沙律，份量都幾多架，加左胡麻醬好好味，成碟清曬！返到屋企完全無口渴既感覺！所以真心會再黎食！