餐廳入面都整潔，唔會好似一般雞煲地方咁亂，可以舒舒服服食2個鐘野！
🐟明爐烤魚
- 大大盤好夠麻同辣香，用上新鮮海鱸魚，皮滑魚肉白雪雪彈口，而且厚厚的好多肉，點上麻辣湯後真係好香口惹味，正！😋😋
- 配菜如金菇、芽菜等非常入味，啖啖都食到惹味嘅辣🌶️，仲有蓮藕好新鮮好粉。
食過明爐魚後就到出面任食任飲環節，肥牛可以同店員講，無限點的！
外面超多款振興肉丸，仲有菜類。
- 個人幾鍾意食魚蛋，好彈口，仲有黑椒丸都好特別。而烤魚加湯後淥菇類更加係超惹味超入味！😋😋😋
- 飲品櫃內更加有啤酒、汽水任飲，好啱gathering傾耐d！
$398/2位呢個價錢，其實剩食烤魚🐟+飲品都已回本，仲有任食丸類，真係超值！👍🏼
