板長壽司 (康怡廣場南座) (Closed)

一家四口到康怡廣場買嘢，準備開學。阿女想食壽司，見門口冇人排隊，就入咗嚟。都相隔幾年冇食過板長。叫了3個套餐share食。一個刺身飯，一個天婦羅飯，一個12件壽司🍣定食，另加了2個軟殼蟹手卷及1個日式燉蛋。刺身飯有三文魚，吞拿魚、蟹膏蟹肉、三文魚子、蟹柳，質素普普通通。反而每個套餐附送的蟹籽粟米沙律幾清新好食😋天婦羅定食：熱辣辣上枱，炸槳幾薄下，幾脆又唔太油👍👍壽司定食就自選嘅：所以都係揀了自己愛吃的，都唔錯，呢個餐份量好大，隨餐送了一個烏冬。我選了冷烏冬，彈口煙韌。另外叫的軟殼蟹手卷和燉蛋就一般。餐廳座位寬敞舒適，食物質素就一般般啦，冇乜特色值得推介。