1961牛 (Closed)

早排到附近整車，喺呢頭搵早餐食。左搵右搵，見呢間1961牛門面幾光鮮所以就入咗呢間舖。入到去都幾多人，店員都好快幫我搵到個位。坐低咗，問咗幾次想落單先有人幫手。落完單等咗5分鐘左右，店員先拎張落單紙過嚟，而張單先啱啱入😅唔緊要，我其實唔太趕時間，等餐嘅時間，聽到其他枱漏單嘅漏單，錯單嘅錯單，似乎都幾混亂。到我叫嘅沙嗲牛肉麵嚟，味道賣相好一般，沙嗲牛唔好話同d關注組熱店比，同一般快餐店比都覺得馬馬。炒蛋火腿反而幾好。早餐連凍飲40蚊，感覺質素可以好d。整間餐廳嘅感覺好似為做而做咁，誠意欠奉。