Kim's Spoon (MegaBox) (Closed)

放假又去睇戲啦，睇完韓國戲就走去食韓國菜🤭🤭 睇完戲都差唔多5點鐘，大家都好肚餓決定去食個下午茶✌🏻 因為家姐話之前食過Kim's Spoon下午茶覺得ok，所以我哋就嚟咗食點知完全中伏🤦🏻‍♀下次我唔會再信我家姐🙄🙄  泡菜: 免費放喺檯上任人夾，但反而係全場最好食嘅嘢🤭 特選紫菜卷配粉絲($42): 紫菜卷可以接受，但唔係好似韓式似係日式多啲。粉絲都ok，咸淡適中不過硬咗啲同埋唔熱😂 泡菜豬肉韓風飯($45):的而且確有泡菜同豬肉，但唔係平時食開韓國餐廳嗰種味，味道好咸，豬肉仲要有陣騷味👎🏻👎🏻 熱蘆薈茶: 淡到好似飲緊水咁🤦🏻‍♀ 熱青柑橘蜜: 好似柚子蜜不過係酸酸地嘅👌🏻