不論食物質數、服務態度、價錢都不能接受~~~~
比我選擇多一次我一定唔會食，寧願食m記好過..........
首先講環境，大堂面積有600-700尺，入去果時無人幫襯，
個侍應就迫我坐喺角落頭，張枱勁細，又睇唔到TV，張椅係木椅，
完全無軟墊，坐到個'欏柚'勁痛........叫佢轉枱佢就話其他枱已booked
(1個小時後，得果5-6个人入嚟坐，7成吉位)
其次，就係食物，我地食左雜錦拉面，煎大蝦配沙律，燒雞翼和燒雞軟骨各一客，
三文魚和蟹子壽司各一客，餃子一客，多謝331蚊。大蝦得1隻，又細又無味，
拉面份量好小，食完得3成飽。另外，雞軟骨就燒到黑晒，好似食炭.......
三文魚和蟹子壽司等左4個字都未o黎，吹佢佢又話整緊，整碟壽司要整幾耐呀???
接住火滾叫埋單，之後3分鐘後送上, 仲要話: 你果碟其實未得, 比住人地果碟你食先...,
真係好想同佢講: "真係多謝晒，好感動啊~~~~~"
果時已經坐到好唔舒服(木枱關係)，仲要講埋呢d說話，唔好意思都唔講句，
真係把鬼火.......
總結就係又貴又唔好食，服務態度差........
唔使指意再幫襯~~~~~
