極尚唐朝日韓料理 (Closed)

話說佢新開，睇到啲傳單，諗住去試下，有海膽，有鮑魚，好鬼吸引咁。佢有2個價錢，其中貴啲果個係可以叫埋星級食品，我一心諗住去任食海膽，當然2話不說食貴啲果個啦。點知就出事喇。我食19：15至21：15果場，我一坐低即畫星級料理同刺身，全部畫一至2客/件（唔係過份啦），有某部份嘅星級野佢有黎（但2個鐘內，星級食品你只會食到1至2次），有某一部份嘅星級料理同刺身可以到我20：45先黎（可能怕你再order啦），我仲要催左3，4次先有。既然你開得個排頭係任食就要做到，無理由收左人任食價錢，又唔肯出星級食物比人。全場都喺度追佢出星級食物，隔離枱都話下次唔洗黎啦。至於普通食品，唔係特別好食，款式唔算多，刺身亦一般。所以呢個價錢同質數，真係無下次。