蘇三茶室 (Closed)

尋日係同老公值得慶祝嘅日子.三日前 訂咗屋企樓下嘅"蘇三茶室" 食私房菜. 期待咗幾日, 諗住呢間雜誌間中都有推介嘅食肆, 行過都有幾枱客, 難食極都有個譜. 點知...... 未食老公已經"娥"緊,因為佢睇個menu就話啲價錢好貴. 我無話佢知要三舊水一個人. 第一道菜係連自己都整到嘅 煙肉碎焗薯仔塊. 可能係第一樣味道都ok. 不過無驚喜!! 第二道係 椰青燉蟹湯, 味道怪怪的, 啲蟹肉"梅"哂, 又咸又甜咁. 我地飲咗兩湯匙就原盅俾番個staff!! 第三樣係葡萄葉焗爐魚, 無味的, 相信唔駛焗, 就咁清蒸個效果會一樣或再好啲. 最後係香草焗豬扒天使面. 豬扒其實係一舊瘦嘅豬肉. 話香草製過,但食唔出呢舊嘢除咗焗完係由生變全熟之外, 我唔覺得有咩理由要食一舊完全無味又硬到連老公都切唔開嘅物體. 至於天使面,我估亞廚唔記得落鹽, 又係無味的. 食到呢到都已經失望都爆燈. 好彩最尾嘅cheese cake 都算ok. (呢句唔係讚, 正常嘅cafe cheese cake 係最basic 嘅食物, 如果都唔得嘅, 唔該關門大吉). 總之差