Italian Tomato Café (Closed)

好唔想黎,上次銅鑼灣食過都知無好野,但同個friend慶生日,無計!6個人被安排坐超級死角四人檯,勁迫,想加多張放袋都唔肯。坐低感覺超熱,叫四眼哥哥開冷氣,佢話冷氣壞左冇辦法;叫佢同我地轉檯又話無位,我地俾左deposit, 唯有焗住食。叫野食,明明無叫又送黎,叫左又無到,勁無奈!我想食沙律,8點半話9點先有,到9點又話d菜唔新鮮,個廚師仲整緊,話可能要遲d或者唔出。冇咪冇囉,駛唔駛咁多大話。d意大利粉完全無水準可言,d飯更加差勁,個乳酪飯難食到嘔,個咖哩豬扒飯塊豬扒炸到深啡色,好明顯係炸得太過,7-8個熱食無一個得。飲品方面,杯凍檸茶似檸水多d,又完全唔凍,朋友最後寧願飲罐裝汽水。d cake 賣相唔差,但唔值,double star好過italian tomato 多多聲。服務態度方面,個d姊姊d食品過黎見全檯都放滿野,就俾左我個friend住,然後行開。有冇搞錯!!!! 一定無下次。