尚座 (Closed)

銅鑼灣新開咗間精品粵菜既中菜館，午市有招牌酥香烤鴨同各款精緻點心，趁WEEKEND放假約埋朋友仔一齊試下先!中菜館裝潢雅緻，環境開揚企理，仲融入水墨畫元素，好有特色。午市孖寶有招牌酥香烤鴨同花膠燉螺頭湯，好抵食！酥香烤鴨 (半例)烤鴨即叫即切，熱辣辣上枱，外皮酥脆鬆化，肉味濃、肉質嫩滑，啖啖肉真係勁滋味！！餅皮厚薄適中，煙煙韌韌又夠熱，配以甜麵醬、京蔥條、青瓜條、哈蜜瓜、蒜泥等同食，口感層次極豐富，令人回味無窮～花膠燉螺頭大大塊花膠，仲有螺頭、瑤柱、瘦肉等，湯頭清甜香濃好足料，滋陰又養顏！！新彊羊肉搶湯麵羊肉片鮮香嫩滑冇羶味，麵條彈牙又掛湯，食落濃香滋味，好正～雞汁小唐菜小唐菜好新鮮，肥厚青綠，排列整齊，加入雞汁同煮味道特別清甜！紅油抄手醬汁集麻辣酸甜於一身，大大隻抄手結實飽滿又多汁！