汀汀烤活魚 (Closed)

身為烤魚愛好者，當然周圍覓食好味嘅烤魚，今次嚟咗旺角新開嘅汀汀烤活魚，環境舒服，而且佈置得好有玩味，Corner有唔同嘅啤啤熊裝飾。一坐低即刻點咗個特色烤魚<首創烤荀殼魚鍋>，點咗小辣，不過小辣到比較辣，食唔到辣嘅朋友可能要點唔辣，烤魚外皮香脆，魚肉嫩滑，配料都有豬皮同埋豆卜，額外再點咗份萵筍，萵筍配搭烤魚，堪稱一流。由於同朋友比較大食，雖然額外都點咗一啲火鍋配料，花雕醉雞好入味，配合小辣嘅湯底，味道唔錯。另外帝王蟹棒冇改錯名，超級大條。黑豬豚肉肉質口感不錯，值得一點。最後用紅薯粉作為結尾，整體餐廳環境舒服，食物味道不錯，服務員服務態度很好，成日留意客人食緊咩都會過嚟介紹。