川味雞烤魚大王 (大河道)

Open Now

Now Closed

荃灣大河道近鱟地方食肆林立，而且營業到很夜，可以話係夜繽紛嘅先驅。之前食過「川味雞烤魚大王」嘅烤魚，超好味，今次決定試埋佢嘅雞鍋。一行到門口就聞到香濃嘅四川麻辣味，令我食慾大增，但同行朋友唔食得辣，所以叫咗個唔辣嘅藥膳雞鍋，同樣出色，食完個身暖晒。藥膳雞鍋<半隻>店員將個鍋一放上枱，已經聞到濃濃嘅藥材味，鮮雞分開上，目雞都幾大隻，而且肥瘦適中。店員還殷勤地幫我哋將雞件放入鍋裏面，還不時幫我哋望吓啲雞熟未，確保熟成程度剛好，很窩心。果然食落超嫩滑，而且還滲出藥膳嘅味道，秋冬食啱晒。鴨血鴨血夠滑嫩，口感彈口，麻辣鴨血就食得多，估唔到用藥膳湯底去食都好匹配。墨魚嘴丸第一次食墨魚嘴丸，墨魚味比一般墨魚丸濃郁，口感超彈口，真係有墨魚嘴喺裏面。鮮蝦雲吞皮薄餡靚，用料十足，啲蝦夠新鮮，跟豬肉嘅比例都好適中。米線米線軟硬度適中，配上濃郁嘅藥膳湯底一起食，絕配。