餐廳主打烤魚同雞煲，今次我哋主力攻烤魚！店員好細心，見我哋猶豫緊，主動介紹咗幾款魚嘅分別：
海鱸魚：肉質比較結實
清江魚：口感比較滑溜
沙巴魚：魚身比較大條
最後我哋揀咗 酸菜烤清江魚，貪佢肉質嫩滑！個烤魚鍋一上枱已經香氣撲鼻，酸菜湯底非常開胃。條清江魚果然冇令我哋失望，魚肉真係好滑，而且冇骨，啖啖肉好正！
值得一讚嘅係每款烤魚都已經跟咗豐富嘅配菜，包括蓮藕、金針菇、芽菜、木耳同娃娃菜，吸晒啲酸菜魚湯精華，非常入味。
除咗主角烤魚，我哋都忍唔住點咗幾款串燒試下：
烤魷魚須：爽口彈牙，燒得好香口
烤雞腎：爽脆惹味，送酒一流
烤羊肉：羶香十足，肉質唔韌
啲串燒調味恰到好處，真心好惹味，食到停唔到口！
胡椒豬肚雞好似都幾正😍😍等遲d凍d就過黎試下先😋😋😋
