烏蠅館 (新都城中心二期) (Closed)

呢間烏蠅館喺將軍澳新都城中心二期，就喺正商場嘅戲院旁邊 餐廳正門位置喺商場嘅出邊，之前食過一次午餐係食冒菜既，有少少似麻辣燙 覺得好好食，今次就過嚟食晚餐。晚餐佢就以烤魚為主打 湯底都有四款，我哋揀咗香辣味 小辣，要左珍珠斑，魚唔算多骨 不過腩位都要小心啲食，有少少細骨。本身個湯底就有啲蔬菜，有萵筍同雞髀菇 仲有啲芋絲，索左啲湯好惹味。火鍋配料我哋要咗寬薯粉，脆脆午餐肉，墨魚滑，萵筍 同埋菇類雙拼（金菇拼雞髀菇）。薯粉真係辣湯底嘅最好配搭 只需要煮幾分鐘 好煙韌 索咗啲湯汁好好味。另外，餐廳仲有好多花茶/ 茶類飲品提供，健康得來又解渴。👍🏻👍🏻