蚊蚊豬老火鍋 (Closed)

今日去左深水埗食飯，今次食呢間係烤魚、雞煲、三文魚刺身、邊爐任你食既蚊蚊豬老火鍋。價錢268，食兩個鐘，仲有野飲、啤酒、清酒任食，雪糕任食，真係好抵食。晚市放題送海鮮同刺身拼盤，而其中三文魚刺身仲可以encore添。呢度啲牛好靚仔，prime 級，我係咁食係咁食。我地先隊條烤魚先，大大條清江魚，泡椒酸湯口味，個湯底好開胃，魚肉好滑。食完魚，我地轉個煲打邊爐啦，呢度啲鍋同湯底都可以係咁轉，其他地方真係未試過，鍋同湯底加埋仲有成十幾款揀，真係正。呢度啲自家制一口雲吞同餃都好好味，叫左幾轉。我地幾個食完烤魚同打完邊爐已經好飽，無戰鬥力再挑戰雞煲啦，下次要再叫多幾個人一齊食，試多啲鍋先。