老老實實進註皇室堡的餐廳一向唔太岩我口味，大部份都係見慣見熟的連鎖店。
Mee Lemongrass 應該係異類。
七點正是人人開飯時間， 所以滿坐率已有七八成，我兩個人夾在枱與枱之間位置, 坐得真係幾唔舒服。
雖然好想食海南雞飯但最終還是選擇了其他食物， 因為 [緬甸咖哩雜菜] 好更吸引我。
另外加多一碗油飯、蛋餅、大蝦串燒等。
所有食物都上枱速度全超快，快到張枱唔夠位放。
[緬甸咖哩雜菜] 份量非常多, 多到可以當湯飲。
緬甸咖哩味道和馬來咖哩相似, 大家都擁有濃麵的椰漿香味，辣度唔太高，雜菜翠綠入口爽甜。
但味道和油飯不配， 而油飯只有油沒有香茅味，個人不太推薦。
蛋餅並不是即點即做，拎上手都係微暖, 但味道唔錯，口感煙靭咸香配咖哩無得頂!
[大蝦串燒] 唔食得都睇得，大蝦隻隻都唔細, 伴上有小量沙律菜、菠蘿粒、車喱茄、多士等。
大蝦肉雖然唔太鮮甜, 但優點是啖啖肉，蝦肉爽口，絕對無投訴 。
大致上食物合格價錢合理， 但最大問題是成晚勁多烏蠅飛來飛去，麻煩餐廳要注重一下衛生問題 。
店員都唔醒目, 客人未食晒就收碟，叫佢落單反應又無咁快.
