Sleepless (Closed)

相信絕大部份人第一次幫襯 Sleepless 嘅目的都係為咗佢嗰杯 3D 拉花，我哋當然都唔例外。叫咗兩杯 Rose Latte，一杯有兩隻 meow，一杯係隻仰臥嘅熊熊，超可愛，味道方面，由於呢類打卡飲品通常好睇唔好食，喺冇太大 expectation 嘅情況下，水準尚算滿意，咖啡同玫瑰味都唔算弱，雖然感覺玫瑰糖漿甜咗少少。主菜我哋揀咗明太子煙三文魚意大利飯同卡邦尼扁意粉，前者煙三文魚捲成玫瑰花狀，賣相好靚，不過明太子實在偏鹹😹，risotto 亦煮得比較腍。相比之下，後者質素較高，雖然卡邦尼汁比較 creamy，唔算正宗，但都算幾好味。