為食貓小食店 (Closed)

為食貓依個名成日有人用，但對得起佢嘅唔多，上網一睇，依個名有數十間都已結業。今次見到，唔知佢又係未要加入依個行列。行過見到，係俾佢嘅炸雞翼吸引，每樣炸物少少，款式唔算多，吸引我亦得一樣。見佢餐單小食店嘅基本嘢都有，價錢亦合理，欣賞佢炸物會主動加熱，有誠意。加熱後洒滿紅色粉，雖然我食得小小辣，但奇怪點解唔問我要唔要？原來係蕃茄粉，少見嘅配塔，雞翼幾大隻，翻炸後色澤都一樣金黃。炸皮唔厚，薄脆感剛好，肉質嫩滑，前後食過兩次，當中只有一隻雞翼炸老咗，其他咬落都充滿油香，唔油膩，面頭蕃茄粉甜甜地，一齊好自然，已分唔清係得面頭有味，定係入面都有味，係最近食過最好食嘅炸雞！