魚米家魚湯米線 (Closed)

　日本老友帶埋私伙味噌(miso)，話請我去中環食拉麵，去到先知原來係魚米家。點了兩碗雜菜米線。講明係魚湯米線大王，廚房居然肯幫我地換滾水湯底，服務好，感謝。叫杯滾水開定味噌做湯。餐到，日本老友好小心噉倒咗啲湯出來，跟手倒返啲味噌湯落碗米線度。我有樣學樣。碗米線睇落賣相(見圖)普通過普通；一食落，嘩，原來別有天地。未食之前响碗面有翡翠豆苗、車厘茄、金針菇、蘿蔔，食落原來重有、翠玉瓜、椰菜、木耳、紅蘿蔔、西蘭花、炸菜、冬菇…用料之多簡直叫人喜出望外，每樣少少，冇雪櫃味，好新鮮。