八幡屋日本料理 (Closed)

最近我好想食生蠔，但身邊朋友又無我咁想食，咁就唔可以去蠔吧啦，唯有轉戰其他有蠔食既餐廳。係OPEN RICE度見到好多人讚呢度，咁就拉埋朋友黎試下！訂左位，去到都即刻入得，不過放題都係一般好迫好窄，所以平時好少揀去放題，今次為蠔破例。加左$50就可以叫生蠔、帶子刺身同生蝦刺身等等，生蠔幾唔錯，可能因為有Ｄ檸檬水浸住，咁唔會點腥，唔駛點其他野都得。帶子刺身係我另一至愛，都新鮮好味；唯獨個大頭蝦，同其他人遭遇一樣，第二次叫就身首分離，點解呢？唔通真係reuse個頭...？但食落都無話第二輪無咁新鮮丫？呢盤就係本身價錢包既刺身，其實質素都OK，但有Ｄ就雪得太冰囉。除左刺身，我地都有食Ｄ燒物、小食咁，不過因為顧住傾偈無影到相，但印象中都唔錯的，幾多選擇，下次如果多朋友既，都會再考慮來呢間呀！