錦尚甜 (清風街)

Open Now

Now Closed

係銅鑼灣諗左好耐食咩甜品諗諗下不如去天后呢條成條食甜品既甜品街食啦最後係云云選擇中選左呢個錦尚甜，因為想食窩失同有張凳坐下。喺門口見到個餐牌見到窩夫好吸引人所以走咗入嚟食呢個係一個set 來 $40 水果丸子涼粉配兩個汁，我地選左士多啤梨汁同奇異果汁。水果幾新鮮，有奇異果、西瓜、士多啤梨、哈蜜瓜、芒果、香蕉。個人比較鐘意奇異果汁、酸酸地無加糖漿既感覺，小丸子比較粉，唔夠煙韌仲有呢個窩夫層層疊（$58）有3層，外表都唔錯，旁邊有士多啤梨、奇異果同埋棉花糖既配料。窩夫一層係火龍果、另一層係香蕉。窩夫上面好似係雪糕同芭菲既混合 ：一個芒果味 另一個椰子味。如果你鐘意食脆既窩夫呢個窩夫較甜同脆；但如果你鐘意食鬆化同唔係好甜既窩夫你會有d失望窩夫有d似用蜜芽糖再係表面茶多層，我個人覺得太甜。