ASK cafe (Closed)

早幾日想睇下上環區有咩地方有全日早餐食，一SEARCH下，被一D好靚嘅公仔圖案吸引，於是click入去睇下食評同係咩店子先....好，決定會去今早落住細雨，但都堅持一下去海濱長廊行了1.5圈（當運動），行到11點，就去ask cafe喇…大概11:15到達，入座前服務員同我講要一點前交枱，因為之後有幾多的booking，我話冇問題……我問服務員係咪可在咖啡面加圖案，佢話係，可以係mirror, error，貓貓狗狗等圖案……但因版權問題卡通人物就吾得（我見之前是可以但而家應該已吾得了）……所以我就話加隻狗仔：摩天使……之後，我聽到隔離枱問服務員可不可以用自己張相，佢話可以，所以我就改用我自己愛犬的相了……等了一陣，all day breakfast 到，未幾，咖啡也到，好靚，不過服務員話因為白色係難整啲所以會有少少同原稿吾同，但都整得ok啦個餐嘅腸幾好食，可能掛住影相，攤凍左D嘢，個牛角酥同莓啡菇吸收晒D油，油膩左D....呢度地方不大，服務員個個都係後生仔女，服務都吾錯，有問有答好helpful……下次見