放下素 (Closed)

呢間餐廳係一間社企素食餐廳, 有請聾啞人士, 亦有教會色彩, 所以牆上都有D字句叫人放低對餐廳既服務質素. 因為有部分係聾啞人士, 所以佢地就算你嗌侍應, 佢地都聽唔到, 呢個時間請大家體諒一下, 唔好先入為主, 以為侍應冇禮貌或者專登唔應. 餐廳提供既食物選擇唔算多, 相信係因為餐廳既人唔夠, 整唔到咁多食物. 但係總有D野係岩食既! 去之前唔好EXPECT係食BUFFET咁, 以為咩都有得食, 相反, 本住去食家常菜既心態會好好多! 因為有好多都係家常小菜, 例如炒時蔬, 椰菜花, 炒豆角, 蒸水蛋. 另外如果中菜唔岩食, 都可以靠沙律吧食VEGGIE!餐廳仲提供好多唔同味既醬油/沙律醋/沙律醬! 另外仲有少少西式D既食物, 例如PIZZA, 炸薯餅, 燕麥曲奇, 仲有日式既天婦羅!另外仲有糖水甜品!