Video
Read full review
2017-08-23
658 views
餐廳喺正倫敦酒樓對面，扶手電梯上一層就見到醒目招牌。餐廳光線充足，裝修新簇簇。有好多卡位，而且隔板都幾高，有啲私密感。入門口時見到有張告示 - 鍋匠貼心服務，好「鍋」心。餐廳提供WIFI、BB櫈、除臭劑……仲有電話套、圍裙、髮圈，我哋都用上了，真係好有用，好窩心~一坐低侍應捧上醬料兜，都幾乾凈企理，基本嘅醬料都有。飲品櫃，有支裝飲品例如酸梅湯、竹庶馬蹄，打邊爐飲就啱晒。下面係雪糕櫃。第一次飲呢款竹庶馬蹄，味道幾好，但就甜左啲。我地叫咗【手切Prime雪花牛肉放題】$298/位，先揀一個精品鍋再揀火鍋湯底。火鍋紙每樣火鍋料旁邊都有四個格仔，落第一次單後店員會俾返張紙，食客如果叫第二次就喺隔離嗰格再剔，好環保，抵讚。再另加刺身放題，$38/位，不過刺身選擇稍嫌少咗啲。先叫左少少刺身試吓先，三文魚好肥美，但甜蝦就黑左頭。前菜係日式胡麻沙律，都幾大份。精品鍋我地叫咗【日本清酒海鮮白玉湯鍋】，但是日沽清，就要左【味噌多重芝味雞鍋】，雞肉份量足，店員會幫忙落芝士粒然後攪拌，香味四溢。兩個人就有半隻雞。夾起雞件，見到芝士有拉絲效果。撈咗芝士嘅雞件味道適中，雞肉仲保持嫩滑。但食完雞煲同沙律已經冇左一大
餐廳光線充足，裝修新簇簇。有好多卡位，而且隔板都幾高，有啲私密感。
入門口時見到有張告示 - 鍋匠貼心服務，好「鍋」心。餐廳提供WIFI、BB櫈、除臭劑……
仲有電話套、圍裙、髮圈，我哋都用上了，真係好有用，好窩心~
一坐低侍應捧上醬料兜，都幾乾凈企理，基本嘅醬料都有。
飲品櫃，有支裝飲品例如酸梅湯、竹庶馬蹄，打邊爐飲就啱晒。下面係雪糕櫃。
第一次飲呢款竹庶馬蹄，味道幾好，但就甜左啲。
我地叫咗【手切Prime雪花牛肉放題】$298/位，先揀一個精品鍋再揀火鍋湯底。
火鍋紙每樣火鍋料旁邊都有四個格仔，落第一次單後店員會俾返張紙，食客如果叫第二次就喺隔離嗰格再剔，好環保，抵讚。
再另加刺身放題，$38/位，不過刺身選擇稍嫌少咗啲。
先叫左少少刺身試吓先，三文魚好肥美，但甜蝦就黑左頭。
前菜係日式胡麻沙律，都幾大份。
精品鍋我地叫咗【日本清酒海鮮白玉湯鍋】，但是日沽清，就要左【味噌多重芝味雞鍋】，雞肉份量足，店員會幫忙落芝士粒然後攪拌，香味四溢。兩個人就有半隻雞。
夾起雞件，見到芝士有拉絲效果。撈咗芝士嘅雞件味道適中，雞肉仲保持嫩滑。但食完雞煲同沙律已經冇左一大半「食」力了。
火鍋放題仲送【時令海鮮盛盤】或【日式刺身拼盤】一份，我地揀咗【時令海鮮盛盤】，總共有6款海鮮，包括鮑魚、蟶子、龍躉片、蝦、蠔、魷魚，擺盤幾精緻。
每件海鮮Size都唔細，絕不欺場。
龍躉片厚切，又厚又大件，非常彈牙有咬口，睇塊魚皮幾鬼厚，食落味道十足。
湯底叫咗香茜皮蛋鍋，好多香茜。
【手切Prime雪花肥牛】雪花紋豐富，油脂分佈均勻，滿口油香，口感嫩滑，質量非常不錯。【手切安格斯牛肉】脂肪比例都唔錯，牛味較突出。
【手切金錢展】肉味唔濃，但有咬口。
贈送的【牛胸爽】，冇點都會先嚟一碟。淥熟後非常煙靭，可以慢慢o趙。食完感覺滿口牛油香，但如果怕肥，就唔太啱食。
【丹麥豚肉】幾大塊，肉味不錯有咬口。
【蟹籽墨魚滑】蟹籽份量都算多，墨魚肉爽彈。
【櫻花蝦片】點菜紙英文寫係Sakura Shrimp Tempura，以為係天婦羅，但其實係類似片狀嘅龍蝦丸，比較普通咗少少。
【炸魚皮】好大份，而且香脆，淥幾秒，吸收湯底味道，趁脆卜卜就食得，正~
【油麥菜】鐘意油麥菜好食得嚟又唔heavy，好爽脆，啱晒打邊爐嗰陣食。
甜品揀左豆腐味同綠茶味雪糕，豆腐味似維他奶味，幾特別，而綠茶味雪糕就綠茶味道香濃。
埋完單仲俾左兩粒韓國糖。
食晒成個set，有沙律有雞煲有火鍋有刺身有海鮮有飲品有甜品，實在太多太飽~
Post
