永樂冰室 (Closed)

3點黎呢間買個常餐外賣，見到2張menu都寫住有下午茶，我首先問個職員係咪下午茶有熱飲送（第一張menu寫住），佢話冇，我再問咁係咪有88折（第二張menu寫住），佢唔理我，直接收我八達通錢。我覺得好唔合理，同佢講番，佢啲態度好差，話常餐唔係正價，話張menu係分開睇，上面午餐先係正價，又話張menu冇寫住可以外賣（都冇寫住只可以堂食），再同佢講多兩講，就話係公司問題，好似比錢乞衣咁，話唔同你拗比番$5你。其實我完全唔介意有冇下午茶，但係個員工係因為開左單，唔想麻煩，就多多藉口話呢樣冇嗰樣冇，態度仲十分惡劣，唔會再幫襯呢間店！