炑八韓烤 (Closed)

仔仔生日後冇耐，就到舅父生日啦。本來講好左話去上次仔仔想食但等唔到位果間日本野度食Dinner的。點知早一日婆婆打黎話食韓燒喎，因為佢見到人地有生日Promotion送水樽，重有韓牛送；好似好抵咁喎。婆婆重突登影埋個水樽乜樣比仔仔睇先；仔仔都鍾意先Book位。Lego人仔水樽，仔仔又點會唔鍾意。其實舅父同仔仔都12月生日，想問佢會唔會比多個水樽架不過婆婆話Book位時已問，得一個啦。舅父又唔會對水樽有興趣，冇所謂啦。一坐底都未Order，侍應就即時黎開爐放芝士，重話2邊既芝士都係冇限refill的。都未上菜，我地已經refill左一次粟米芝士真係勁正，另一邊泡菜芝士我就冇興趣啦，不過婆婆話都幾好食的。放完芝士，9秒9又上左好多前菜；除左沙律，全部都有得冇限refill呢。正終於諗好食乜，婆婆叫左個4人餐加一個紫菜卷，重有一早book左係生日有一碟仔韓仔送的。Order完，侍應就送上4條圍裙，連個袋都靚過人，勁厚身，可以再用呢。生日送的韓牛燒韓牛，唔，其實又唔覺得有乜咁特別，好似和牛好食D。另外點的紫菜圈，又係冇乜特別好唔好食，但靚囉。4人餐的牛肉湯，牛肉好淋，都幾好味，有少少鹹左D。4