奇納百川 (Closed)

平日中午，店內坐滿客人，享受看似簡單但價錢豪華嘅餐點。雖然餐廳服務態度同食物性價比一般，亦無set lunch , 但係環境闊落，坐得舒服。 如果想坐近窗邊嘅座位，享受望到維港嘅景色， 可以一試。🍝三文魚子海膽忌廉醬烏冬 - $188鮮美嘅三文魚子同濃郁唔腥嘅海膽，再配合濃稠嘅忌廉醬汁，幾滑溜。🍲韓式豬肉湯鍋 （麵豉湯）$198最近，餐廳出咗新餐牌，亦包括呢一款。用料簡單，有豬肉片、 午餐肉、流心蛋同魚片，但係份量都幾多。🍓士多啤梨紅莓乳酪$78超少女心嘅顏色，超大杯，飲落有穀麥片同大大粒士多啤梨， 酸酸甜甜，幾開胃。#kinabaji #korean #韓國 #韓國菜