閨•家 (西九龍中心) (Closed)

成日聽朋友講閨家既湯好唔錯，去開深水埗買野，於是揀咗呢閨家食lunch。餐廳招牌菜係豬扒，當然要點，但又好貪心想試多d，所以點咗香煎蓮藕餅豬扒，一次食哂兩款。本來擔心豬扒肉質會乾，點知食落口好軟熟，有驚喜！豬扒醃到好入味，而蓮藕餅煎到外面脆，裡面有蓮藕嘅爽口，唔會太多肉，比例恰當，好好食！另外個飯配左雪菜同蔥油，撈勻餸飯一流。鐵板雞翼炒烏冬香噴噴，而且份量適中。3隻雞翼同d烏冬都入味，唔錯！我同朋友都想食溏心蛋，所以點左一碟，可以一人一隻。溏心蛋熟度剛剛好，亦都好入味，酒味、咸度甜度都配合得好好。炸饅頭配煉奶嚟到既時候熱辣辣，饅頭炸得金黃，咬落外脆內軟，配煉奶永遠係最好味！飲品跟餐有蘋果紅蘿蔔沙參煲咸排骨湯，湯煲的夠日子，飲落啖啖都有蘋果蓉，而且冇味精，好有誠意！另一個餐點咗少甜少冰既凍檸茶，飲落真係有少甜，食完味道濃郁既豬扒飲返杯檸茶真係好舒服！好豐富好滿足~