Video
Read full review
2013-10-24
389 views
佐敦區有唔少食店，即使喺呢條橫街內已有唔少餐廳。初初以為葫蘆餐廳同一般港式西餐廳冇嘜分別，但嚟到確有少少驚喜。店內裝修優雅，燈光略暗，頗有情調。而且有唔少卡位，可以慢慢享用晚餐。星期六晚7點幾，店內已8-9成滿。晚市有焗飯、扒類等set dinner，價錢由$100-$200不等。包括前菜、餐湯、主菜同飲品。前菜唔加錢只可選凱撒同木瓜絲沙律；加$40-70可以有多幾款選擇。我order咗焗豬扒飯，另外嗌咗杯紅酒。House Red Wine味道唔差， 算易入口。不過杯紅酒竟然係凍嘅﹝雪過嗰種﹞⋯焗豬扒飯真係烹調需時，都等咗好一段時間。不過見到碟飯就覺得唔係白等嘅。賣相吸引，飯面鋪滿汁同芝士；汁內除蕃茄外，仲有啲蘑菇同洋蔥粒；豬扒肉質鬆軟，整個飯焗亦得熱辣辣，嗜多汁嘅我，食到一半向店員要求多啲汁，店員亦樂意提供，呢個飯食得確係滿足。老公嗌咗set。青木瓜沙律調味以醋為主，有沙律菜同木瓜絲及少少雞肉。一般啦。南瓜忌廉湯唔係creamy嗰種，但南瓜夠溶同味道亦算濃。餐包就麻麻，好似一般超市買到嘅quality。焗南瓜忌廉汁多宝魚飯賣相吸引，多宝魚肉質嫰滑，亦係佈滿南瓜汁同芝士。南瓜汁帶甜，不
星期六晚7點幾，店內已8-9成滿。晚市有焗飯、扒類等set dinner，價錢由$100-$200不等。包括前菜、餐湯、主菜同飲品。前菜唔加錢只可選凱撒同木瓜絲沙律；加$40-70可以有多幾款選擇。
我order咗焗豬扒飯，另外嗌咗杯紅酒。
House Red Wine
味道唔差， 算易入口。不過杯紅酒竟然係凍嘅﹝雪過嗰種﹞⋯焗豬扒飯
真係烹調需時，都等咗好一段時間。不過見到碟飯就覺得唔係白等嘅。賣相吸引，飯面鋪滿汁同芝士；汁內除蕃茄外，仲有啲蘑菇同洋蔥粒；豬扒肉質鬆軟，整個飯焗亦得熱辣辣，嗜多汁嘅我，食到一半向店員要求多啲汁，店員亦樂意提供，呢個飯食得確係滿足。老公嗌咗set。
青木瓜沙律
調味以醋為主，有沙律菜同木瓜絲及少少雞肉。一般啦。南瓜忌廉湯
唔係creamy嗰種，但南瓜夠溶同味道亦算濃。餐包就麻麻，好似一般超市買到嘅quality。
焗南瓜忌廉汁多宝魚飯
賣相吸引，多宝魚肉質嫰滑，亦係佈滿南瓜汁同芝士。南瓜汁帶甜，不過咸咗少少，要飲多幾啖水先得。焗豬扒飯係我其中一個常點嘅食物，我就覺得呢度嘅焗飯整得唔錯，各方面都幾balance。今次只試咗焗飯，所以唔知其他食物質素如何。但只評焗飯，就覺得好ok。單叫焗豬扒飯只係$64（其他焗飯會貴啲），配合環境同食物質素，都算抵食。服務方面不過不失，唔算係好殷勤嗰種。整體嚟講可以再encore。
Post
