Chuk Yuen

細個係柴灣長大嘅A姐，佢話呢度充滿住無限童年回憶，佢今日話好想去行下，仲話要帶我食啲地道嘢。原來地道野，就係位於柴灣市政大廈嘅呢度嘅竹園小館大排檔！能夠有一個帶你去大排檔嘅女人，確實係唔話得。以熟食市場嚟講，呢度都算乾淨企理，街坊們就係唔係台一張枱食飯，都會飲酒，吹吓水，好有人情味！

2

浦東小籠包
小籠包大大隻，一籠嘅份量都幾多！肉鮮嫩而仲充滿豐富嘅湯汁，只係略嫌皮較厚。

浦東小籠包

台南韭菜鴨血煲
上枱熱辣辣，好吸引呀！而鴨血超滑，仲索晒微微嘅辣汁，好惹味！

台南韭菜鴨血煲

椒鹽海狗魚
本身想食鮮魷，但店員推介海狗魚，怕骨嘅A姐擔心會唔會好似九肚魚咁多骨，好彩呢個魚炸得香口，又啖啖肉，外脆內鮮，配啤酒一流！好好味呀！

椒鹽海狗魚

豉椒帶子肉碎生菜包
豉椒帶子肉碎炒得好有鑊氣，就咁食會有少少鹹，但加入新鮮爽口生菜，成件事即刻match晒！

豉椒帶子肉碎生菜包

（記住Like同Share畀朋友）

By A姐M佬 玩樂日記