点心代表 (Closed)

Dim Sum Icon每一期都會同唔同公仔合作，自從去過spongebob嗰次之後，我成日都密切流意住佢地既新動態😂 今次發現佢地同超得意既kanahei合作，推出一系列超級得意既點心，我即刻帶埋爸爸媽媽去試！！水晶貝殼帶子蝦餃($59) 皮薄餡靚，隻淺粉紅色仲要襯哂kanahei，爭啲唔捨得食☺️流沙包($49)都好正。記住唔好影咁耐相，要熱辣辣食先最正啊！雪山叉燒包($59) 一客有3粒，size唔算大，但都算多餡，味道唔錯。XO醬炒腸粉($89) 價錢有啲貴，好彩XO醬炒得好香，腸粉數量又多，淨係聞到都覺得好正！椒鹽豬扒飯($89)係我全餐最中意既一道菜!! 本來對點心餐廳既飯冇乜期望，但原來整得咁出色！豬扒同粟米都大大舊，飯既份量又多，夠我地一枱share黎食👍🏻甜品同飲品大致上都唔錯，屋企啲細路食得超開心！！成間餐廳仲有好多kanahei公仔既裝飾同佈置，推薦大家帶埋一家大細去啊 ！