Sze Sun Hamburger (Closed)

在紅磡區打滾多年，今日突然想食炸髀，可惜寶城沒開，所以去了時新，雖然都知道佢哋唔係生炸，但成份下午茶炸髀，只可以用老、乾、柴和細來形容隻雞髀，真心$46 一份下午茶，真係唔便（其實係貴），快餐店都好食過去。行左去買，食完真心後悔。

雞髀：
Size細隻，呢個唔得。因為佢單點都成$32一隻，佢哋本身有滷水髀，以為會滷水髀炸，但應該只係蒸熟，因為髀身香色。另外成隻炸髀波味，淡到一個點，都唔知有沒有醃過🫣。另外個皮有和肉都over cook 晒。大家自己睇相。另外隻髀沒汁水，食得都幾辛苦，我相信食炸髀，唔會再去呢間食，至於漢堡包，食懷舊only。又唔係話好食到不得了。相信時新我都唔會再食。


著條：
微暖，份量少、比較軟身、乾和硬。因為是粗波浪著條，加返懷舊分。


飲品：
唔係話佢好唔好飲，而係凍飲加$5，心諗都幾貴。同區貴都係加$3，有啲$2，加$5 🫢。我自己就小飲凍野，喜歡凍飲，就自己諗下。

外賣包裝：
仍然用膠袋做外賣，真係食住塑化劑落肚，一般茶記都有紙袋，因為咁熱的食物，膠袋溶埋落食物到就死得人啦，但最後發現食物只係微暖，即係唔好食，因為食唔到炸髀熱辣辣的口感，就算有限紙放底都沒用，著手改外賣包裝。

炸到皮都黑炸

$46

成條雞絲可以直硬到反地心吸力，乾和硬的表表者

隻髀好細隻，味道淡，應該係沒味道

後面炸到黑晒

連外賣包裝都懷舊，只用膠袋，食物安全都好重要。