Video
Read full review
2023-01-17
269 views
網上吹風吹得好行，什麼韓國過江龍，咩火速擴充分店，怎至係炸雞界”Prada”，係咁多強勁既形象堆砌之下，搵左一個好普通既平日晚上試下。晚上七點到左尖沙咀，店內只有約30個位但仍未滿場唔需要等位就可以入座。一入座有一個感覺似係老闆既韓國男人問我地想食咩，其實我連你有咩食都未睇清楚呀，感覺有少少趕既感覺，我地order完主菜老闆見我地3個人就推介左我地飲兩款Jar裝飲品，我地就相信佢order埋，哩jar野成為左成晚一肚火既開端…．檸檬梳打 $108 /jar睇相有啲糖漿係底再加幾片檸檬，不過不失應該可以解膩。結果上枱係七喜+一片檸檬(分4份)+海量既冰呀，老闆應該係《食神》fans啦，咁都比佢諗到呀。$108你可唔可以比返少少誠意我呀大佬?．半半炸雞$198 (Corn-so amazing炸雞((栗米味炸雞))– 無骨+$30 + 秘製黑炸雞- 無骨 +$25) $253好多款味可以揀，眼闊肚窄為免做大嘥鬼所以order左半半炸雞可以試到兩隻味，上枱時份量嚇親，韓國傳統應該有一隻雞既份量，好明顯我地隻雞係小朋友，每隻味大概有麥X雞大少少既6舊雞，我地見到都仲安慰自己可能味道真係好好食呢
晚上七點到左尖沙咀，店內只有約30個位但仍未滿場唔需要等位就可以入座。一入座有一個感覺似係老闆既韓國男人問我地想食咩，其實我連你有咩食都未睇清楚呀，感覺有少少趕既感覺，我地order完主菜老闆見我地3個人就推介左我地飲兩款Jar裝飲品，我地就相信佢order埋，哩jar野成為左成晚一肚火既開端…
．檸檬梳打 $108 /jar
睇相有啲糖漿係底再加幾片檸檬，不過不失應該可以解膩。結果上枱係七喜+一片檸檬(分4份)+海量既冰呀，老闆應該係《食神》fans啦，咁都比佢諗到呀。$108
你可唔可以比返少少誠意我呀大佬?
．半半炸雞$198 (Corn-so amazing炸雞((栗米味炸雞))– 無骨+$30 + 秘製黑炸雞- 無骨 +$25) $253
好多款味可以揀，眼闊肚窄為免做大嘥鬼所以order左半半炸雞可以試到兩隻味，上枱時份量嚇親，韓國傳統應該有一隻雞既份量，好明顯我地隻雞係小朋友，每隻味大概有麥X雞大少少既6舊雞，我地見到都仲安慰自己可能味道真係好好食呢~
- Corn-so Amazing炸雞: 係”氣炸”雞胸面頭灑上芝士粉，栗米味欠逄，只有甜甜既芝士味，公道講句舊雞係滑既，但值唔值哩個價錢真係見人見智啦
- 秘製黑炸雞: menu 寫係招牌菜式加上best sell 既logo，結果上菜時明顯唔夠上色，而且只係豉油味炸雞，都係果句味道唔差，但值唔值哩個價錢真係見人見智啦
．原味紫菜飯卷 $65
普通飯卷每樣餡都係得一條，連韓式飯卷應有既香味同麻油都無呀，同韓國街既外賣飯卷無得比呀….少少失望，如果佢賣$35我都可能覺得佢係可接受既
．什錦炸薯 $108!!!
你期待佢大大份，可以一路食一路傾下計? 少年你太年輕啦，佢既份量都係薯格3片、切薯7-8舊、幼薯條少量，或者老闆可能怕我地熱氣掛
!!結論係我地唔知點解佢係炸雞界”Prada”，炸雞界coach都比多佢呀…..
Post
