東京淺草炸雞專門店 (碧海藍天) (Moved) New Location

四小龍附近其實冇咩餐廳好食，一係就要行到去荔枝角d2個頭。但係近排就比我發現咗起aeon入邊呢間炸雞幾好食，而且價錢仲唔貴。有一個炸雞便當59元有四件炸雞，有飯仲有味噌湯，都幾抵食，而且招牌炸雞又脆又香口。今次見到佢有一個半份海南雞飯跟一個白湯雞拉麵餐，都係79元又幾抵，就嗌嚟試下啦。不過其實拉麵就真係一般，而且海南雞飯嘅雞都唔係咁好食。我諗下次嚟到都係主力嗌返佢嘅炸雞便當餐。門口見到原來有派對炸雞套餐都幾抵。下次多人聚會或者公司party我會考慮下order呢一間嘅炸雞。