喜棧 (Closed)

星期五晚上要係銅鑼灣上坐談會~唔想空肚聽3個鐘書… 唯有快快趣食個飯~星期五銅鑼灣滿街都係人~ 要搵間餐廳唔駛等位都幾難…路過後街見到喜棧環境唔錯~亦唔駛等位~~ 即刻入去醫肚啦~~除左有粉麵類~ 亦有提供粥品~小妹一向鐘情撈麵~~就點左蝦子雲吞牛筋腩撈麵~賣相唔錯，雲吞係細細粒一口Size~但每粒雲吞都包住2隻蝦~ 燜得腍牛筋，牛腩又唔會過老~ 自己加埋辣椒汁落去撈麵~~ 真係好滋味~~追加一客雞翼~ 即點即炸~雞翼面加左少少椒鹽~雖然本身雞翼無太多調味~但熱辣辣炸起，一咬開脆皮~肉汁重Keep到~ 肉質就滑~~食到停唔到口~~