Try My Bread (營盤街)

Open Now

Now Closed

炸軟殼蟹滑蛋吐司所有食物即叫即製，見住職員煎塊牛油多士，聞到都香噴噴。炸軟殼蟹原本已經係無得輸的食物，加埋牛油多士、生菜同滑蛋，味道異常地夾，多士同滑蛋中和左軟殼蟹嘅油膩，好食過就咁食炸軟殼蟹，值得一試。當正餐食以為唔夠飽，點知食完好飽。店鋪亦好有誠意同心思，Packing 好靚，外賣用上透明膠袋，吐司上又用透明膠紙固定，又穩陣又靚，呃like一流。唐揚炸雞加蜜糖芥末醬無諗過連唐揚炸雞都好好食，唔係街邊貨仔，熱辣辣外皮脆口咬落有肉汁，個芥末醬唔係普通沙律醬，似特製的。炸軟殼蟹唔會常食，反而個唐揚炸雞可以再來吃。缺點應該係只會提供外賣，個炸軟殼蟹咁靚又好食無得坐定定食有點可惜。可能你會問60蚊一件三文治會唔會太貴，我開頭都有咁諗，食完覺得個炸軟殼蟹其實出街食都唔平，加埋店舖誠意，我覺得好抵食。