可可豬海南雞專門店 (寶榮大廈) (Closed)

炮台山美食🐷蒜泥白肉蒜泥白肉份量適中，唔算太多，但每一舊肉都好大舊。雖然望落好似唔係好多蒜泥，但食落每一啖都有好濃嘅蒜味！🐔日式胡麻醬手撕雞冷面本身一打開見到得啲生菜同車厘茄，以為佢比錯咗沙律我，但其實生菜下面係有麵的！胡麻醬冷麵係屬於夏天嘅食物，因為佢冰冰涼涼十分消暑！胡麻醬同手撕雞亦都十分夾。啲麵同手撕雞都幾多，食完好飽！🐔香辣口水雞配白飯口水雞好滑，食落一啲都唔鞋，非常高質！除咗好滑之外，啲雞仲要冇骨～口水雞醬好香，一開頭食嘅時候唔會覺得好辣，但佢後勁好強，越食越辣！🍹金羅漢果養生茶你杯嘢飲真係好似個名咁咁養生，除咗有羅漢果之外，仲有杞子、菊花同陳皮。飲落唔算太甜。🍹熱情豐盛呢杯嘢飲係熱情果茶，飲落都幾甜，熱情果味好出。