Video
Read full review
2018-12-26
141 views
呢日約咗班好耐冇見嘅舊同學食飯， 想坐得耐啲又要啱唔同人嘅口味，最好嘅選擇都係食放題或者燒肉㗎喇！有朋友提議試下尖沙咀呢一間新開嘅燒肉放題，好一於就去馬！入到去裡面，店員安排我哋坐戶外既位置，估唔到可以喺尖沙咀享受到戶外嘅炭火燒肉，而店入面則採用電嘅烤爐，有兩種玩法任君選擇。四個人食就送咗咗一條喜之次一夜乾， 魚嘅味道唔錯， 燒起上嚟好香魚味， 唔會太鹹 ，而且我哋燒得啱啱好好，好脆身。另外亦送上一個烤肉拼盤， 入面有一口牛粒、黑毛豬、肩頸肉等等， 都幾多款式。朋友就先嗌咗一個本助沙律做前菜， 入面有啲魚生粒加埋蟹籽沙律， 酸酸甜甜但係好有口感，加上魚生嘅味道好鮮甜，食落好開胃。而我都嗌咗一啲刺身， 有 甜蝦、帶子、北寄貝、三文魚等等，味道都唔錯，感覺都幾新鮮，因為唔會有坊間嗰啲放題咁有雪味。對於食肉獸嚟講，呢度嘅肉類選擇真係幾多，除咗有安格斯牛粒、牛仔骨、 豬頸肉、 腩肉、豬肩肉等等， 我最欣賞嘅就係安格斯牛粒，肉味重得嚟，而且有油花豐富，好香， 細細粒一啖就食完， 忍唔住叫多幾round！亦都有唔少嘅海鮮選擇，就好似廣島蠔、 帆立貝 、大蜆、蟶子等等，仲 用咗一個鐵兜仔咁裝住，加上
有朋友提議試下尖沙咀呢一間新開嘅燒肉放題，好一於就去馬！入到去裡面，店員安排我哋坐戶外既位置，估唔到可以喺尖沙咀享受到戶外嘅炭火燒肉，而店入面則採用電嘅烤爐，有兩種玩法任君選擇。
四個人食就送咗咗一條喜之次一夜乾， 魚嘅味道唔錯， 燒起上嚟好香魚味， 唔會太鹹 ，而且我哋燒得啱啱好好，好脆身。
另外亦送上一個烤肉拼盤， 入面有一口牛粒、黑毛豬、肩頸肉等等， 都幾多款式。
朋友就先嗌咗一個本助沙律做前菜， 入面有啲魚生粒加埋蟹籽沙律， 酸酸甜甜但係好有口感，加上魚生嘅味道好鮮甜，食落好開胃。
而我都嗌咗一啲刺身， 有 甜蝦、帶子、北寄貝、三文魚等等，味道都唔錯，感覺都幾新鮮，因為唔會有坊間嗰啲放題咁有雪味。
對於食肉獸嚟講，呢度嘅肉類選擇真係幾多，除咗有安格斯牛粒、牛仔骨、 豬頸肉、 腩肉、豬肩肉等等， 我最欣賞嘅就係安格斯牛粒，肉味重得嚟，而且有油花豐富，好香， 細細粒一啖就食完， 忍唔住叫多幾round！
亦都有唔少嘅海鮮選擇，就好似廣島蠔、 帆立貝 、大蜆、蟶子等等，仲 用咗一個鐵兜仔咁裝住，加上蒜蓉或者清酒，唔會燒得太乾，食到嘅時候都仲係好juicy， 好清甜！
不得不推薦嘅係呢度嘅醬料都幾豐富，除咗枱面上有七味粉、燒汁醬油等等嘅選擇，亦都可以嗌唔同嘅醬料，我試呢個嘅海鮮醬真係好好， 感覺好似一啲泰式嘅醬汁咁，酸酸甜甜有少少微辣，食落好開胃。
除咗燒肉方面，亦都可以叫唔同嘅熟食或者炸物，而且壽司都係即叫即整，細細粒但係絕不欺場，呢一個玻璃蝦壽司同埋和牛壽司，就深受我哋捧場，忍唔住叫左幾次。
最後仲有雪糕食，食得真係好滿足！
Post
