點煲 (新港城中心(4期)) (Closed)

今日嚟到馬鞍山，去咗間叫做「點煲」食晚餐，門口玻璃窗會見到廚房姐姐將啲煲仔飯放上炭火上面煮嘅情況，我哋一行二人去到排了10分鐘，店內裝修有特色、座位適中舒適、地方整潔。 我哋二人叫咗 豉汁白鱔炭火煲仔飯、梅菜扣肉煲、蟲草花燉雞湯，白飯。賣單$300有找。 煲仔飯需要等20分鐘，所以去到最好快啲叫左先，不過正常嘅因為即刻用炭火煮，白鱔新鮮厚切口感非常好，仲有好耐無食過飯焦啦，好味又脆。梅菜扣肉煲，我哋另外叫咗個白飯加咗枱面上嘅豬油，再連埋啲梅菜扣肉食，梅菜扣肉非常入味五花腩鬆化，配埋豬油撈飯非常邪惡，哈！另外仲有個蟲草花燉雞，足料好味。 今餐非常之滿意，正常價錢，但係食物質素高，服務員態度不過不失有進步空間，成間舖頭店員都係木口木面，餐牌上面仲有豬油煲仔飯，下次再試。