餐廳裝修走和風路線，木系枱凳配暖黃燈光，坐得幾舒服。😌 雖然唔算好大間，但枱同枱之間有足夠空間，傾計都唔怕隔籬聽到。師傅喺開放式廚房度忙緊，成間店有陣陣炭燒香，未食已經流口水！🤤
板前炙燒日本牛扒 🥳🥳🥳🥳
牛扒用咗即日師傅揀嘅部位，今次係西冷，外層燒到微微焦香，入面仲係粉嫩嫩。咬落去肉汁爆出嚟，油脂香但唔會膩，蘸少少wasabi豉油更醒胃。
沖繩炙燒豬軟骨 🥳🥳🥳
豬軟骨燒到外脆內軟，個醬汁甜甜哋幾惹味，软骨部分咬落去有啲爽口，唔會太韌。不過如果再多啲炭燒香就更好啦！
炸沖繩苦瓜片 🥳🥳🥳🥳
平時怕苦瓜
嘅我都覺得好正！炸到薄脆脆，苦味好輕微，反而有陣甘香，灑咗少少梅粉，食到停唔到口。
特上七點刺身拼盤 🥳🥳🥳🥳🥳
海膽creamy到似食緊雲朵，赤蝦爽甜到彈牙，toro入口即溶，成個拼盤新鮮到冇朋友！帶子仲有微微檸檬汁提鮮，正到痺！
自家製汁燒日本雞軟骨肉餅 🥳🥳🥳
雞肉餅混咗軟骨，食落有啲脆脆哋口感，汁燒味道幾濃，不過略嫌有啲乾身，如果多返啲肉汁就perfect。
輕燒日本和牛 🥳🥳🥳🥳
和牛片薄薄哋，輕輕燒過，油脂分布好靚，入口即化。配埋洋蔥絲同酸汁，油膩感即刻消失，食多幾片都唔滯。
荔枝泡盛 🥳🥳🥳🥳
沖繩特產泡盛加咗荔枝香甜，酒味唔會好重，易入口，女友好鍾意，飲完成個人暖笠笠。
藍色多瑙河梳打 🥳🥳🥳
個名玩嘢但其實係波子汽水味梳打，藍色好靚，飲落清爽，解膩一流，打卡必點！
成餐飯食得好滿足，每樣嘢都整得有心機，尤其係刺身同牛扒，真係食到舐舐脷！😋 餐廳氣氛輕鬆，侍應招呼都幾周到，唔會催你交枱。如果鍾意日式炭燒同刺身，呢度絕對值得試吓！
