海悠喺熟食中心入面有好多個舖位，喺觀塘返工嘅朋友經常大大力推介海悠，不過我返工地點喺九龍灣，所以平日唔會去到觀塘咁遠食午飯，唯有今日星期六去。餐廳用電話落單，上菜速度都好快👍🏻
- 黑松露滑蛋炒蝦仁
滑蛋好𡟹滑，上面灑滿黑松露粉，另外蝦仁數量超級多，送飯一流。
- 秘製蟹黃醬海皇炒飯
炒飯非常乾身，本身炒飯已經有有一陣蟹黃香味，廚師仲落多一羹蟹黃醬喺炒飯上面，整體味道更濃郁。裏面仲有魷魚同蝦，材料非常豐富。
- 蟹黃醬蝦仁炒福花
又係好多蝦仁同好多蟹黃醬😍，福花食落同椰菜花差唔多，口感爽脆。
海悠嘅蒸海鮮好鬼抵食，估唔到瀨尿蝦可以咁大隻，有我手掌咁大，肉質好鮮甜👍🏻
1
- 蒜蓉粉絲蒸龍蝦
肉質新鮮彈牙，而且好大隻。不過略嫌碟下面嘅豉油太多，粉絲浸得太耐味道有少少鹹😂
海悠嘅海鮮真係好抵食，炒飯係我食過最乾身同最濃郁，即係山楂價錢但做到燒鵝味道🙇🏻♂️。下次要試海悠另一個招牌菜炸子雞！
