所謂多人嘅地方，實有驚喜。當日閒日，看見滿席，大大增加了好感。
店鋪麻雀雖小，五藏俱全，進食有足夠空間之餘，員工可以一眼關七，一舉手就有員工到，食物上枱亦好快捷，重要的，店鋪細心地提供了紙巾，值得加分！
食物種類眾多，有小炒，涼拌川菜，烤魚，仲有我今次嘅目標:雞煲
淨係雞煲就已經有好多款，今次點了香辣雞煲半隻 小辣 $168
芬香撲鼻嘅雞煲一上枱便吸引住我，加上適量嘅配料，如蓮藕，洋蔥，芫荽，為主角增添色彩。雞件非常嫩滑，又夠入味，啖啖肉吾會食極都係骨。適量嘅醬汁均勻地覆蓋所有雞件，完美嘅比例令雞味和醬汁的刺激感融和一體。而後勁嘅辣味更越食越辣，越食越正，相信小辣對怕辣嘅人亦會接受到。
食完雞件當然未滿足我嘅食欲，利用雞煲嘅味道，加湯打邊爐！
火鍋配料包羅萬有，我就決定簡單的點了安格斯肥牛 (小) $198 ，牛柏葉 $38，西洋菜 $36及 稻庭烏冬 $32
食物質素果然冇令我失望，當中不得不提的是安格斯肥牛，色澤鮮紅，脂肪分佈平均，厚度仲岩岩好。一口吃下去，肉質夠嫩，更帶有牛嘅鮮味，令我一試難忘，三兩下功夫就清晒一大盤肥牛了。
最後，食埋個烏冬加埋入晒味嘅西洋菜和牛柏葉，滿足嘅一餐就在飽到反胃地完結。見到大部分客人都食烤魚，下次一定要品嚐一下。
