主打滿清皇宮風格
無論係裝潢、餐具、音樂甚至食物擺盤都極具心思
真係好似置身清朝皇宮咁 打卡一流
一入門就聽到熟悉嘅宮廷劇配樂
配合店內古色古香嘅裝潢
青花瓷器餐具、龍紋火鍋爐具
老闆在呢D細節位真係做到足
令人即刻好投入
有興趣的話仲可以換衫 cosplay 皇帝、貴妃打卡
一班人玩一定氣氛一流
岩晒朋友聚會或者慶祝特別日子
限定套餐 $698
//嘉慶椰子藏雞濃湯鍋(單人)//
上枱時已經椰子香氣撲鼻
配上乾冰效果
店員即場倒入熱湯 即時白煙升起
煙霧彌漫 視覺震撼
腐皮包住椰子肉同嫩滑雞件
湯底每日新鮮熬製 椰香濃郁
雞肉滑嫩 份量十足
先飲湯再食雞 口感真係令人回味
//康熙花膠雞湯鍋(單人)//
同樣有乾冰倒湯儀式
花膠份量都多 有三大片再剪開
煲滾後飲湯 清甜鮮味 滿滿的膠原口感
雞件已煮至七成熟 落鍋後保持嫩滑
整體兩個湯底都誠意十足
//黃金響鈴(秘製鹹蛋黃醬)//
外脆內香 鹹蛋黃醬鹹香濃郁
響鈴炸得鬆脆 輕灼數秒食得
再沾醬後味道層次提升 令人食唔停口
//貴妃出浴~手切本地牛肉//
呢個真係超級名副其實
牛肉先用牛奶浸泡30秒
再灼煮十數秒令肉質更加嫩滑
入口帶有淡淡奶香 入口即化
牛肉切得厚薄適中
配合宮廷風的精緻擺盤
視覺與味覺雙重享受
整個過程就真係好似貴妃沐浴甘
打邊爐都可以咁有儀式感
真係贏左100%香港餐廳
//手打黑松露野菌鮮蝦丸四粒//
蝦丸彈牙鮮味 黑松露香氣突出
//500ml 生啤兩杯//
火鍋配啤酒永遠都係完美組合
另外加左:
//正宗日本稻庭烏冬(一個) $38//
烏冬滑溜彈牙 吸湯力強
//紫皇蟹粉豚肉餃 $88//
呢款餃子都係好有驚喜
餡料呈橙色 絲絲蟹肉清楚食到
蟹粉香氣撲鼻 入口鮮甜
配合豚肉嘅油香 味道層次豐富
餃子皮薄而不易爛 煮後依然保持完整 口感一流
落入湯底煮一陣 吸收湯汁後更加惹味
//豬頸肉 $78//
呢款豬頸肉都係值得一試
切得厚薄適中 入口彈牙 油脂分佈均勻
煮後依然保持爽口質感 唔會過韌
//油麥菜 $45//
油麥菜新鮮 吸收湯底精華後味道清甜
加埋牛肉同雞同烏冬一齊食
正好平衡肉類嘅油膩感
