肉浦團火鍋放題 (Closed)

前排有朋友食過肉蒲團火鍋放題，推介佢啲牛肉好正，今日心血來潮想打邊爐，所以黎試下。揀咗M5M8和牛set($368一位)可以食足兩個鐘。揀咗個胡椒豬肚湯底，湯底胡椒味夠，跟住入邊仲有好幾件豬肚，煲到夠晒林身。為咗牛肉而去嘅我哋一開始就落晒10款牛肉，要逐款逐款試😆 想讚吓佢哋嘅上菜速度真係好快，一落完單，喺出面拎咗啲小食返嚟就已經到齊晒。呢度嘅小食有咖喱豬皮魚蛋、麥樂雞、薯條同薯格，質素唔差，薯格我哋返兜咗幾次🤭因為有發熱燈照住，所以啲小食喺keep住熱同脆👍🏻牛肉每片都切得好薄身，唔會話試一兩款就飽到食唔落，佢有啲比較特別啲嘅款式，例如美國安格斯牛骨髓、澳洲M8臀腰肉心同澳洲穀飼牛牛臂尖等。我哋10款試晒全部都吾錯，個人最喜歡薄切封門柳，肉質嫩滑又有牛味👍🏻而朋友就最鍾意美國安格斯牛頸脊。之後仲叫咗啲海鮮，魷魚成隻上，夠晒誠意，另外廣島蠔同埋虎蝦都新鮮好味😋出面仲有自助區，有蔬菜、丸類、麵食同飲品，選擇都唔少👍🏻食完肉再食下啲蔬菜就差唔多，個人好喜歡啲南瓜，夠晒甜👍🏻最後仲送上一人一杯Häagen-Dazs雪糕，甜品收尾perfect🫶🏻最後發現原來有優惠，逢星期日至四 二人同行一人