八幡屋日本料理 (Closed)

旺角的確有好多放題既地方，但質素都好參次而且可能環境都一般，而呢間食物質素唔錯之餘，價錢都好合理！ 首先你要揀食邊種肉，由$188至$468不等，我就揀左$298，牛肉油脂相對平均，質素都算唔錯！ 而且加左$50升級為至尊海鮮盛宴，多左帶子刺身、赤蝦刺身同生蠔，仲多左幾款海鮮！ 帶子好大粒而且無咩雪味，但當然都唔會好大鮮味啦！赤蝦刺身好大隻而且蝦肉好爽口，一啲都唔腥，真心正！生蠔都好肥美。 火鍋配料方面有海量既菜同丸，而且有好味到爆既烏東！ 另一方面，除左火鍋配料，仲有串燒炸天婦羅同刺身，聽友人講，拎天婦羅既時候，師傅有主動返炸，好貼心啊！ 旺角黎講都算好高質素，飽到暈咁走真係好爽！