本身個蒸海鮮定食已經好豐富，食完以為飽到食唔落火鍋？錯！一飲到個湯底，個胃即刻自動騰出空間！個湯底金黃色，飲一啖，濃郁到不得之了，集結咗之前所有海鮮嘅甜味，唔需要任何味精，自然嘅鮮甜湧晒出嚟。用咁高質素嘅湯底去打邊爐，真係咩配料掉落去都即刻升呢！
我特別推薦佢嘅安格斯肥牛，油脂分布靚，喺個海鮮湯底度輕輕一淥，牛肉嘅油香同湯底嘅鮮甜結合，味道層次即刻豐富起嚟。另外，佢哋嘅手打蝦滑同墨魚滑都非常出色，真係食到粒粒蝦肉同墨魚肉，彈牙十足。雖然係放題，但完全冇將貨就價，誠意可嘉。
最後一定要用個湯底煲個粥，吸盡日月精華，暖胃又滿足。今次嘅火鍋體驗，絕對係高質之選！
1
1
