Video
Read full review
2022-02-15
30 views
好耐無食火鍋放題啦～知道沙田新開咗牛大人，星期六放假黎試吓先！中午時間黎到，好多人排隊，全場滿座。原來沙田分店特別同蠟筆小新聯乘合作，除咗可以買到小新精品之外，仲有勁多打卡影相位，我仲自費同小新影即影即有，勁過癮！小新迷記得影多啲相～登記後好快就獲安排坐二人卡位，座位好闊落，舒適又寬敞。今日揀咗極上和牛吃到飽套餐，揀好湯底之後用QR CODE落單就得。湯底今次試新味，揀咗藥膳牛蒡鍋，大量芫茜配搭新鮮牛蒡，加埋優質牛腿骨湯底，下火滋補都幾正。另可自取大量火鍋配料、醬料同飲品，推介自家製花茶，清新健康又解渴～必點之選有安格斯特選牛板腱同澳洲和牛M5牛肩卷，牛味香濃又嫩滑，油花同肉平衡得宜，入口鮮嫩帶油香，香甜鬆軟富口感，正。推介以下：麻辣鴨血細嫩滑溜，微辣好過癮；鬼馬老油條金黃酥脆唔會成口油；蟹籽墨魚漿爽滑彈牙，煙韌鮮味；真豬小香腸薄薄一片，彈牙扎實。最後仲送上每人一碗既台中仙草凍，配料豐富，有齊花生、芋園、八寶等，仙草清涼解熱，岩哂打完邊爐食！
知道沙田新開咗牛大人，
星期六放假黎試吓先！
中午時間黎到，
好多人排隊，全場滿座。
原來沙田分店特別同蠟筆小新聯乘合作，
除咗可以買到小新精品之外，
仲有勁多打卡影相位，
我仲自費同小新影即影即有，勁過癮！
小新迷記得影多啲相～
登記後好快就獲安排坐二人卡位，
座位好闊落，舒適又寬敞。
今日揀咗極上和牛吃到飽套餐，
揀好湯底之後用QR CODE落單就得。
湯底今次試新味，揀咗藥膳牛蒡鍋，
大量芫茜配搭新鮮牛蒡，
加埋優質牛腿骨湯底，下火滋補都幾正。
另可自取大量火鍋配料、醬料同飲品，
推介自家製花茶，清新健康又解渴～
必點之選有安格斯特選牛板腱同澳洲和牛M5牛肩卷，
牛味香濃又嫩滑，油花同肉平衡得宜，
入口鮮嫩帶油香，香甜鬆軟富口感，正。
推介以下：
麻辣鴨血細嫩滑溜，微辣好過癮；
鬼馬老油條金黃酥脆唔會成口油；
蟹籽墨魚漿爽滑彈牙，煙韌鮮味；
真豬小香腸薄薄一片，彈牙扎實。
最後仲送上每人一碗既台中仙草凍，
配料豐富，有齊花生、芋園、八寶等，
仙草清涼解熱，岩哂打完邊爐食！
Post
